Back To Life
5 خطوات عشان تهزمي الاكتئاب و تشوفي الدنيا بالألوان!!
الخطوة الأولانية:
Meet your real self - would you take the magic pill?!
ساعات بيبقى بيتهيأ لنا إننا فاهمين نفسنا كويس أوي، وان كل اللي محتاجينه إن حد بس يساعدنا إننا نحقق أهدافنا أو نتغلب على مشاكلنا، لكن كتير بتبقى المشكلة إن الواحد فعلا مش عارف نفسه، مش فاهم إيه اللي بيحركها وإيه اللي بيأخرها، وبالتالي حتى لو لقى المساعدة اللي بيدور عليها عشان يبقى أحسن، بيفضل متعلق مكانه وبيبقى السبب حاجة مهمة هو أغفلها عن نفسه..
في الخطوة دي انت بتحددي دوافعك اللي مخلياكي عايزة تبقي أحسن، وبتتعرفي على الحاجات اللي ممكن تمنعك تعملي ده وازاي تتعاملي معاها.. بتعرفي كمان معتقداتك الهادمة للذات.. كل واحد فينا عنده نوع معين من الاعتقادات دي هي اللي بتوقعه كل مرة في اكتئاب .. قلق .. غضب أو غيرُه.. هدفي في الخطوة دي إنك تتعرفي على المعتقدات دي وتتعلمي ازاي تتعاملي معاها وتلقطيها أول ما تظهر مرة تانية قبل ما تتسبب في انتكاسة جديدة.
الخطوة التانية:
اكسري الدايرة.. Break the loop
ناس كتير بتبقى متخيلة إن علاج الاكتئاب بيبدأ من إني آخد دوا أو أعمل علاج نفسي يفتح نِفسي شوية للحياة، ويخليني اتحمس ومزاجي يتحسن فابتدي بقى أنجز واعمل الحاجات اللي ورايا بدل مانا ما بعملش حاجة كدة في حياتي.. في الحقيقة الحل ده مش عملي ولا علمي، لأن ببساطة النفس هتنشرح لما تحسي بالانجاز، كل حركة وكل انجاز بتعمليه بيرفع الدوبامين في المخ وبالتالي مزاجك وثقتك بنفسك بيتحسنوا.
في الخطوة دي بعلمك تقنيات تتعاملي بيها في حالة الكسل والميل للتأجيل اللي بيبقوا عند البني آدم المكتئب ... ازاي تشجعي نفسك وتفضلي متحمسة حتى وانت في أسوأ حالاتك.. وواحدة واحدة تكسري دايرة (انا مكتئبة- ما بعملش حاجة- ما بعملش حاجة- انا مكتئبة).. أشهر دايرة مفرغة بنلف فبها واحنا مكتئبين!
الخطوة الثالثة:
Change how you think to change how you feel
في المرحلة دي انت بتفهمي فيها ازاي طريقة تفكيرنا هي اللي بتوجه مشاعرنا ، وان احساسنا بالاكتئاب أو الغضب أو القلق مثلا كله بيبقى من نابع من أفكارنا ورؤيتنا للأمور.. اللي بتبقى
متشوهة بحاجة اسمها عيوب الادراك.. لما بنلقط التشوهات دي ونبقى واعيين ليها .. ادراكنا للأمور بيبتدي يختلف، خصوصا لو عدلنا كمان الأفكار السلبية اللي مليانة عيوب إدراك لأفكار تانية إيجابية.. اللي فات ده هو التقنية الأساسية في العلاج المعرفي السلوكي..اللي هتتعلميها في المرحلة دي هي ومجموعة تانية من التقنيات اللي بتستهدف جوانب مختلفة من الاكتئاب، زي ضعف الثقة بالنفس، الإحساس بالذنب المفرط، الغضب..
حوالي عشرين تقنية هتتعلميهم عشان تستخدميهم دلوقتي وفي كل وقت تظهر فيه الأعراض دي.
الخطوة الرابعة:
Communicate
من أكتر الحاجات اللي بتضغط الست وتخليها تتوتر وتكتئب .. العلاقات المتوترة.. سواء بجوزها.. عيالها.. أهلها.. أهل جوزها.. الناس في الشغل.. أيا كان نوع العلاقة.. لو هي مهمة في حياة الست وفي نفس الوقت مستقرة ومتناغمة..بتبقى سعيدة ومنتجة.. و حياتها بتبقى سلسة ومليانة حب ورضا.. لو واحدة من العلاقات المهمة دي باظت.. نبدأ نخش في تاني أهم دايرة مفرغة من دواير الاكتئاب.. (أنا .. مكتئبة .. أنا عندي مشاكل مع فلان.. أنا مش طايقاه ولا طايقة نفسي.. أنا مكتئبة..أنا مش بعرف أتعامل مع فلان) في الخطوة دي بنتعلم سوا الخمس أسرار للتواصل الفعال.. اللي عن طريقهم تقدري توصّلي علاقاتك للتفاهم والتناغم.. وتكسري الدايرة دي للأبد.
العلاقات الاجتماعية ربنا عملها لنا عشان تدعمنا وتقوينا مش عشان توترنا وتجهدنا!
الخطوة الأخيرة:
Write your own prescription
هنا بقى بساعدك ازاي تكتبي وصفتك انت الخاصة لعلاج الاكتئاب.. اللي هتبقى متفصلة ليكي انت بالذات.. وبعلمك طريقة تقدري تواجهي بيها هجمات اضطراب المزاج المتكررة، عشان ماتقعيش أبدا تاني في اكتئاب.
*تابعي الرابط ده عشان تعرفي كل جديد عن كورس Back To Life
