اسمي هدى سراج الدين مواليد 1986 متزوجة وعندي بنتين،اتخرجت من كلية الطب جامعة عين شمس دفعة 2009، حصلت على الماجستير في طب المخ والأعصاب والطب النفسي في 2013، اشتغلت كطبيب مقيم في قسم الأعصاب والطب النفسي في مستشفيات جامعة عين شمس من 2011 لحد 2013، وبعدها اخدت أجازة وركزت دراستي بشكل حر على العلاج المعرفي السلوكي للاكتئاب والقلق، بدأت شغل في مستشفى العباسية من 2015، في الأول كنت في قسم الأطفال ودلوقتي في قسم السيدات.

​

شغفي ورسالتي اللي عايزة أوصلها هي إني أساعدك تتغلبي على القلق والاكتئاب واعلمك ازاي تتعاملي مع الضغوطات وازاي تحسني علاقتك باللي حواليكي ويبقى عندك ثقة في نفسك وبالتالي تحققي اللي نفسك فيه وتأدي رسالتك في الحياة، هدفي إنك تعملي كل ده وانت راضية ومبسوطة وشايفة الدنيا بالألوان.