​

ليه تقدري تثقي بيا:

اسمي هدى سراج الدين حصلت على الماجستير في طب المخ والأعصاب والطب النفسي في 2013، اشتغلت في مستشفيات جامعة عين شمس من 2011 لحد 2013،بدأت شغل في مستشفى العباسية من 2015، في الأول كنت في قسم الأطفال ودلوقتي في قسم السيدات.

>>> تفاصيل أكتر

...كنت طول رحلتي في التخصص ده بحاول أدور على الخلطة بتاعت الدكاترة لعلاج الاكتئاب،التوتر، ضعف الثقة في النفس، مشاكل العلاقات االجتماعية .. اتعلمت إن فيه حاجة اسمها علاج نفسي ممكن تحل المشاكل دي، بس ازاي بيتعمل بقى وللا فين وإيه المنهج اللي يتمشي عليه!! .. العلم ده ما كانش متوفر أوي زي علم الأدوية.. ازاي تعالج الأمراض النفسية بدواء.. ساعتها فهمت أنا ليه لما رحت لدكاترة نفسيين مالقيتش اللي انا عايزاه.. واتأكدت إن أي حد بيعدي بنفس مرحلة الاكتئاب دي هيحتاس زيي بالظبط.. لحد ما قررت أبحث أنا بنفسي في موضوع العالج المعرفي السلوكي واتعلمه.. هو علم مبني على أساس إن أفكارنا بس هي السبب في رؤيتنا للأشياء، لو واحد أفكاره سلبية هيشوف كل حاجة سلبية وبالتالي هيحس بالاكتئاب والقلق والغضب والعجز.. ولو أفكاره إيجابية هيشوف الدنيا أكثر منطقية وبالتالي هيعرف يتعامل مع الضغوط والمشاكل ..

وواحدة واحدة بدأت أطبقه على نفسي .ووصلت للنتيجة اللي انا عايزاها من استقرار المزاج (sustainability ) وال mood drops قلت لدرجة إني أقدر أقول على نفسي إني الحمد لله بقيت إنسانة سعيدة أخيرا.. وده بقى واضح جدا في حياتي وتفاصيلها وأدائي فيها..حتى لما بتعرض لضغوط من أي نوع..

بقى حلمي دلوقتي إني أوصل الخلطة دي لكل ست بتعاني من اكتئاب، قلق، قلة ثقة في النفس، مشاكل اجتماعية لأني بكل ثقة أقدر أقوللها إني كنت مكانك في يوم من الأيام.. وإن الموضوع ماهو إلا أدوات لحل مشاكلك وتقنيات نفسية تظبطي بيها مزاجك.. بس كدة.. وهتشوفي الدنيا بالألوان تاني... على فكرة الدنيا طلعت بالألوان!.

​

 >>> لينك للقصة كاملة

​

​